Carnavalsvriendinnen en -vrienden allertijden

Félings, Dostluchtige Hoegheid
"Prins DIMITRI d'n Ieste"
34 ste Stadsprinscaranaval van Groewet Sintruin,
Verkouze dour de Road van Elf, het bestuur,
In de Orde van de Commeduur.
Hebbe op den elfde van den elfde oos intronisoasie gehad,
In het 1311ste joor van oze dierbare Trudoustad.
1300 en 11 joor: da zin spelle,
En surtoe dè elf koene telle.
Félings mouge euver alle carnavaleske esbattementen regeire,
En oos be de volgende titels prisenteire:

Graaf van 't Sint-Gangulfus-rijk
Lienhier van e stukske Cincindria-wijk
Consul van cafei be Tim teigeneuver de polis,
Baron van Ben en Polle un Elf-Oere-Mis.
Ambassadeur van Gronsveld autou-bèin,
En ich moug og Markies van het Nieuwscafé zijn.
Groot-Marschalk van de Veudselkes
en stichtend ridder in de orde van ?t Veudselke
En dan surtoe en zeiker bouvenal,
34ste Stads-prins-carnaval

En ver allen dè mich nog nè kinde,
Ich bin Dimitri en Flossy ver de vrinde.
In 1975 op den 27ste mei,
Ontstond ich as ne ferme beibei,
Fé groeiden op tot ne goeie kadei.
Doveur dank on oos mama Nicole en ozen Andrei.
Ver prins te weide, onder oos gezeid en gezweige,
Ebbe ich og van mijn allerliefste de permiise gekreige.
Boer Firmin van de Put zijn dauchter, ?t is nie die,
Maar hare naam  klinkt wel als? Wendy.

Beroepsalve zit ich in de commèrs ver de verkoop,
In ?t weekend bin ich be pinten en fleskes op de loop.
Vruger in de Bink, de BeauZoo en de Affish,
Na surtoe sooves in de elf oere mish.
Fé gon gein no STVV op Staaien letten,
En og as de manne van Xenia basketten.

Eigelek wou ?n félings oos uns lanseire,
En dobè iets speisjoal presteire.
Be de experiejense dè fe in den horeca ebben opgedon,
Koste fe natuurlek in het spoor van Steve? Stee? vaert?gon.
Ma da ebbe fé dan toch nè wille riskeire,
Want ziet da ze oos no Mechelen zoun transfereire. .
En in de voetbal ligge de kanse dun,
Alle sente steke in de nieve tribun.
Wil dzje et van aat Sintruin lengs den televieze moake,
Dan moet dzje gelek Kelly dour Big Brother geroake.
Ich kos og beginne, gelek Frank De Winne.
Ma ierlek gezeid ver dè Sojoesraket,
Me Russisch da trik op njet en is nè vet.
En do op het einde zou ich echt nè koene,
Mich dour Prins Filip lote poene.
Dan bin ich mar op zuk gegon,
No iet moe iederien achter kan ston.
No iet moe iederien bè mie kan fieste,
En da is as Dimitri den allerieste.
De prinscarnaval van het plezier,
Of ?t carnaval-idoul twieduzend en vier,

Truineers, Truinoskes iederien die mie,
Be Dimitri den ieste, zeg maar Flossy,
De prinscarnaval dè weit wè ?t gie.

Sintruin Alaaf