Félings, Dostluchtige Hoegheid
"Prins DIMITRI d'n Ieste"
34 ste Stadsprinscaranaval van Groewet Sintruin

Consul van cafei be Tim teigeneuver de polis,
Baron van Ben en Polle un Elf-Oere-Mis.
Ambassadeur van Gronsveld autou-bèin,
Groot-Marschalk en stichtend ridder van de orde van ?t Vudselkes
Proklammeir echtig en plechtig,
Mijn elf prinselijke wetten leutig en deftig?.

1.
Felings beginne be wet ien, dus de ieste.
Onder Flossy den ieste wit et fieste, fieste, fieste.
En doet da gelek Dimitri den ieste,
Verdeilt da van ?s ooves vruug tot ?s meurges loat,
En gegarandeird dzje wijt noewet nè zoat.

2.
Wet twie, vilt og nog mie
De Parkwacht bestie, echt woor,
Deis sezoen og al 11 joor.
Ze ebbe al un prinses, twie prinsen en twie jeugdprinsen gelanseird.
Bigaro?s, Klein Stienkes, El Sportivou?s en Vudselkes
ebben og al iets prinselijks geprisenteird.
Op oos veursprook weide zeilings na tot Hofleiveransier gepromoveird.

3.
De tet van Jackson Janet,
Ei iel Amerika op stelten gezet.
Dus doveur hebbe félings oze derde wet
Memme vorme al e tetteke veur oos gien belet.
Ten aandere in Sintruin zin fe extra tolerant,
En voenke et Tooghangers borstje hiel plezant.

4.
Be wet vier zou  ich iet euver de Olympische Speile wille vertelle,
Sintruin moet serjeus zen kandidatuur ver de 2016 gon stelle.
Op nief Sintruin ebbe ze al ne nieve piste ver cros te loupe,
En op ?t vliegveld koene ze hangaars tot sporthalle umdoupe.
Op Saffroonberg en in Bevingen ebbe ze logementsruimte zat.
En ins vol wotter, lie op de Slaasberg ?t schounste Olympisch zwumbad

5.
De Aa Wijve bal ebbe fe speisjoal ver de vrouweleke emansipoase gedon,
Wet vijf verplicht da da in den toekomst vots blif beston.
En as ?t on Flossy den ieste lag,
Dan gon de vroulie op donnesdag,
Compleit euver hun toere,
Op de Aa-wijve-vierentwinitig-oere.

6.
Wet zis is  og nè mis :
?t foenkelend licht mokte Parijs wereldberoemd,
En doveur wood et la ville lumiere genoemd.
Sintruin moet be ze licht og op den internationale toer,
En ver da te poeszje ebbe fe de Chaussèe d? amour.

7.
In de stoete  weite oos Sintruinse groepe prima te presteire,
Ma no ?t sezoen zitte ze e bitsje in de meseire?
Dus wille féling be wet de scheipe van fiestelijkheide adviseire,
Geef ze nen hangaar moe ze verniks unne woagel koene parkeire.

8.
Wet acht, e bitsje mij gedacht
Geboure en getouge in Sintruin,
Dzje weit wa da wilt beduin :
Bourgondiër in at en niere,
Altijd geried ver te viere.
Ma félings wille och al uns euver de schreif gon,
Letterlek en figuurlek wol te verston.
Doveur zou ich deize wet be oegdringenheid wille lanseire,
Naarkerke en Gingelom moete be Sintruin fusioneire.
En da wit dan het groewet narrendom,
Naarging-sintkerke-Truinelom

9.
Wet neige, en do ebbe fe og niks teige.
Onder mijn prinseleke perioue wil ig onderaandere,
In Sintruin og ne strootnoam veraandere.
?t Sintgangelofpleinke moe félings nog woende,
Da ze da vanaf na ?Plaza Dimitri Flossy? noemde.

10.
Wet tien is ver scheipe colleige allien.
Dzje uurde et al in ?t lieke:
No de ?t bruuke ebbe ze na e Binkepieke.
As ze dan toch op cullinairen toer wille gon:
Mouge ze ver de volgende streikprodukte inston.
Nemt na het polyvalente geval Pascal,
Dé mokt van alles de countdown sop speisjal.
Hilde van feestelekeide mocht nog effe retourneire,
Zij moug dan og de Vissersschoutel van Duras prizenteire.
Jef Thewis weit iet van joage, ?t milieu en kikke kwikke,
Dé mokt ne Gelmse videi van dames en vingers van af te likke.
Miel Londoz bakt as veurzitter van Toerisme Haspengou,
Ne cordon blue of een gevuelde kotellet in ?t  blauw.
Johnny van sport en grieken,
Prisenteirt een vloi vol Truinse krieke.
Dufaux dé ruustert e Nief Sintruins verreke,
Moe ter Nicaraguaanse banane in verwerreke.
Stamp dzje Staaf teigen zen knein,
Dan gif da Zepperse Mas-se-pein.
En ten lest Ludwig Vandenhove,
Blif euver ver de gebakke pere te stouve.

11
Wet elf, en dan is?t nekans gedon,
Truineers, Truinoskes, blijft asteblief nè ston,
As be de oze carnavalstoet verbè is on ?t gon.
Mokt plezier,
En geef kletsier.
En as dzjé echt iets apoat wilt beleve,
Awol dan moe dzjé oeg og mar uns goed geve.
Dus gelek gezeid allei,
Alaaf, Alaaf, Alaaf en Santei.